នៅក្នុងសេចក្ដីថ្លែងការណ៍មួយរបស់លោក Antony J. Blinken រដ្ឋមន្ត្រីការបរទេសអាមេរិក កាលពីថ្ងៃទី១២ មេសា ឆ្នាំ២ឥ២២ បានលើកឡើងថា ក្នុងនាមសហរដ្ឋអាមេរិក ខ្ញុំសូមគោរពជូនពរដល់ប្រជាជនកម្ពុជា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។https://www.state.gov/khmer-new-year-2022
លោក Blinken ថា ពិធីបុណ្យចូលឆ្នាំខ្មែរគឺជាឱកាសអបអរនិងរំឭកឡើងវិញពីភាពសម្បូរបែបនិងភាពរស់រវើកនៃវប្បធម៌ខ្មែរ។
អ្នកការទូតរូបនេះបានសង្កត់ធ្ងន់ថា «យើងខ្ញុំមានកិត្តិយសក្នុងការបន្តកសាងទំនាក់ទំនងវប្បធម៌ដ៏រឹងមាំរវាងសហរដ្ឋអាមេរិកនិងព្រះរាជាណាចក្រកម្ពុជា ហើយយើងខ្ញុំរីករាយនឹងពង្រឹងទំនាក់ទំនងនេះឱ្យកាន់តែខ្លាំងឡើងថែមទៀត ដើម្បីកសាងកម្ពុជាមួយដែលកាន់តែមានវិបុលភាពប្រជាធិបតេយ្យ និងឯករាជ្យថែមទៀត»។
សេចក្តីថ្លែងការណ៍នេះបញ្ចប់ដោយសារដែលបានបញ្ជាក់ថា៖ «សូមឲ្យប្រជាពលរដ្ឋកម្ពុជាទាំងអស់បានប្រកបដោយភាពរុងរឿង មានសុខភាពបរិបូរណ៍»៕
៊
