រូបជើងពាននិមិត្តសញ្ញារបស់ខេត្តត្បូងឃ្មុំ ជាជើងពានបុរាណ ដែលមានអាយុកាលជាង ៣ពាន់ឆ្នាំមក ត្រូវបានគេរកឃើញនៅក្នុងចំការកៅស៊ូក្រែក កាលពីឆ្នាំ ១៩៩៨ កំពុងដាក់តាំងបង្ហាញក្នុងមជ្ឈមណ្ឌល និងសារមន្ទីរបុរាណវិទ្យា មេមត់ នៃខេត្តត្បូងឃ្មុំ។
គេហទំព័ររដ្ឋបាលខេត្តត្បូង ឃ្មុំ បានបញ្ជាក់ថា ផ្អែកលើលទ្ធផលសិក្សាវិភាគកំណត់អាយុកាលលើបុរាណវត្ថុជាច្រើន ដែលស្ថិតក្នុងជម្រៅដីជាមួយគ្នានោះ ជើងពាននេះមានអាយុជាង៣០០០ឆ្នាំ ដែលរូបនៅចំកណ្ដាលនៃនិមិត្តសញ្ញាខេត្តត្បូងឃ្មុំ គឺបានយកគំរូតាមជើងពានបុរាណនេះ ជានិមិត្តរូបនៃចំណេះដឹង ភាពខ្ពង់ខ្ពស់ និងភាពពិសិដ្ឋ៕
