ភ្នំពេញ៖ សម្រាប់រដូវនេសាទឆ្នាំ២០២២ នេះក្រសួងកសិកម្មរុក្ខាប្រមាញ់ និងនេសាទ បានប្រកាសឱ្យបិទធ្វើការនេសាទត្រីកាម៉ុងរយៈពេល ២ខែ នៅក្នុងដែននេសាទសុវត្ថិភាពត្រីកាម៉ុង ក្នុងគោលបំណងដើម្បីការពារធនធានជលផលសមុទ្រឱ្យបានគង់វង្ស។
ក្រសួងសិកម្ម ចុះហត្ថលេខានៅថ្ងៃទី១០ ខែមករា ដោយលោក ពុំ សុថា ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផលបានបញ្ជាក់ថា នៅរដូវបន្តពូជ និងពងកូនរបស់ត្រីកាម៉ុងឬហៅថា ប្លាធូ នៅក្នុងដែននេសាទសមុទ្រនៃកម្ពុជាត្រូវផ្អាកជាកំហិតចាប់ពីខែមករានេះរហូតដល់ថ្ងៃទី៣១ ខែមីនា ឆ្នាំ២០២២។
សូមរំលឹកថា ផលនៃផលិតផលជលផលសមុទ្រឆ្នាំ២០២១ កម្ពុជាទទួលបានចំនួន ១២,៥ម៉ឺនតោនជាចំនួនកើន ១,៨៧ភាគរយបើធៀបនឹងឆ្នាំ២០២០៕
