លោក ពូទីន និងលោក ត្រាំ និយាយទូរសព្ទរយៈពេលមួយម៉ោង លើសង្រ្គាមអ៊ុយក្រែន

ប្រធានាធិបតីរុស្ស៊ី លោក វ្ល៉ាឌីមៀ ពូទីន និងប្រធានាធិបតីអាមេរិក លោក ដូណាល់ ត្រាំ បានសន្ទនាតាមទូរស័ព្ទរយៈពេលជិតមួយម៉ោង ក្នុងអំឡុងពេលដែលសង្រ្គាមដែលកំពុងបន្តនៅអ៊ុយក្រែន គឺជាប្រធានបទសំខាន់នៃការពិភាក្សា នេះបើយោងតាមប្រព័ន្ធផ្សព្វផ្សាយរដ្ឋរុស្ស៊ី។

លោក Trump បានលើកឡើងពីបញ្ហានៃការបញ្ចប់សង្រ្គាម "ឱ្យបានឆាប់តាមដែលអាចធ្វើបាន" ដែលបង្ហាញពីការព្រួយបារម្ភអំពីជម្លោះដែលកំពុងបន្ត និងផលវិបាកជាសកលរបស់វា។

ជាការឆ្លើយតប លោក ពូទីន បានរំលឹកឡើងវិញថា រុស្ស៊ីនឹងមិនបោះបង់គោលបំណងយោធារបស់ខ្លួន ដែលលោកបានពិពណ៌នាថាជា “ការលុបបំបាត់រាល់បុព្វហេតុនៃការប្រឈមមុខដាក់គ្នា”។ បើទោះជាមានជំហរម៉ឺងម៉ាត់នេះក៏ដោយ មេដឹកនាំរុស្ស៊ីក៏បានអះអាងដែរថា លោកនៅតែបើកចំហចំពោះ “ដំណោះស្រាយចរចា” ចំពោះសង្គ្រាម៕