រដ្ឋាភិបាលអាល្លីម៉ង បញ្ជូនប្រព័ន្ធសព្វាវុធធុនធ្ងន់បំផុត និងគ្រាប់រាប់ម៉ឺនគ្រាប់ឱ្យអ៊ុយគ្រែន

យានប្រឆាំងយន្តហោះ Gepard ចំនួន 15 គ្រឿងដំបូង ក្រសួងការពារជាតិអាល្លីម៉ង់នឹងបញ្ជូនទៅដល់ប្រទេស អ៊ុយក្រែន នៅអំឡុងខែកក្កដា រួមជាមួយគ្រាប់រំសេវចំនួន 59 000 គ្រាប់។ នេះជាប្រព័ន្ធសព្វាវុធធុនធ្ងន់បំផុតដែលផ្តល់ដោយរដ្ឋាភិបាល ទីក្រុងប៊ែរឡាំង ដល់រដ្ឋាភិបាលគៀវមកទល់ពេលនេះ។

ការប្រកាសនេះបានធ្វើឡើង បន្ទាប់ពីជំនួបតាមទូរស័ព្ទ កាលពីថ្ងៃសុក្ររវាងរដ្ឋមន្ត្រី ការពារជាតិអាល្លឺម៉ង់ លោកស្រី Christine Lambrecht និងសមភាគីអ៊ុយក្រែន របស់លោកស្រីគឺ Alexey Reznikov។

Bundeswehr ដែលជាកងកម្លាំងជើងគោក របស់សហព័ន្ធអាល្លឺម៉ង់ ក៏នឹងបណ្តុះបណ្តាលប្រតិបត្តិករ អ៊ុយក្រែន លើយានជំនិះ ដែលបំពាក់ដោយកាំភ្លើង ស្វ័យប្រវត្តិភ្លោះ ៣៥ មីលីម៉ែត្រផងដែរ។លោកស្រី Lambrecht បានហៅ Gepard ថាជាអាវុធ “មានប្រសិទ្ធភាព” ដែលអាចត្រូវបានប្រើ“សម្រាប់ការការពារ ហេដ្ឋារចនាសម្ព័ន្ធសំខាន់ៗ” ។

រចនាឡើងក្នុងទសវត្សរ៍ឆ្នាំ 1960 នៅលើតួរថក្រោះ Leopard 1 នោះ flakpanzer (រថក្រោះការពារដែនអាកាស) ត្រូវបានចូលនិវត្តន៍ ពីសេវាកម្ម សកម្មជាមួយនៅឆ្នាំ 2012 ។ ប្រទេសប្រេស៊ីល ហ្ស៊កដានី និងរ៉ូម៉ានី បច្ចុប្បន្នប្រតិបត្តិការ យន្ត Gepards មួយទឹក។ កាលពីខែមេសា ទីក្រុងប៊ែកឡាំង បានអនុញ្ញាតឱ្យក្រុមហ៊ុនផលិត របស់ពួកគេ Krauss-Maffei Wegmann ចែកចាយរហូតដល់ 50 គ្រឿងដល់អ៊ុយក្រែន ដោយចំណាយ របស់រដ្ឋាភិបាលអាល្លឺម៉ង់៕