អ្នកកាសែត ៣រូប បាត់បង់ជីវិតនៅក្នុងប្រទេសអ៊ុយក្រែន ដោយសារទាហានរុស្ស៊ីបាញ់រៈ

អ្នកបាត់បង់ជីវិតទាំង៣នាក់ ដែលផ្តិតយកទិដ្ឋភាពសង្គ្រាមនៅក្នុងប្រទេសអ៊ុយក្រែន ម្នាក់ជាអ្នកថតរូបប្រចាំស្ថាប័នសារព័ត៍មានដ៏ធំ Fox News មានឈ្មោះ Pierre Zakrzewski អាយុ ៥៥ឆ្នាំនិង២រូបផ្សេងទៀតម្នាក់ជា Producer ជនជាតិអ៊ុយក្រែន ឈ្មោះ Oleksandra អាយុ២៤ឆ្នាំ និងមួយរូបទៀតជា filmmaker ស្របពេលទីក្រុងគៀវកំពុងរងការគំរាមកំហែងវាយដណ្តើមកាន់កាប់ដោយកងទ័ពរបស់វិមានក្រឹមឡាំង។

ពួកគេទាំងបីបានជិះក្នុងរថយន្តមួយនៅ តំបន់ Gorenka នៅក្រៅទីក្រុងគៀវ ហើយត្រូវបានកងទាហានរបស់រុស្សីបាញ់ស្រោចមកលើរថយន្តរហូតបាត់បង់ជីវិត។ នេះជាករណីដំបូងនៃការស្លាប់របស់អ្នកកាសែតនៅក្នុងប្រទេសអ៊ុយក្រែន ចាប់តាំងពីរុស្សីបានបើកការវាយប្រហារឈ្លានពានមកលើប្រទេសនេះ៕ Images by ABC