មន្ត្រីប៉ូលីសមកពីប៉ុស្តិ៍ Li បើកប្រតិបត្តិការស្ទាក់ចាប់សកម្មភាពរត់ពន្ធគ្រឿងញៀនប្រភេទមេតំហ្វេតាមីនដែលបានបង្កប់ទុកក្នុង ធុងចិញ្ចឹមឃ្មុំក្នុងបំណងបោកបញ្ឆោតប៉ូលិស។ ជាលទ្ធផលរកឃើញចំនួន ១២លានគ្រាប់។
ការបង្ក្រាបគ្រឿងញៀនដ៏ធំបំផុតពុំធ្លាប់មានក្នុងរយៈពេលមួយទសវត្សរ៍បានធ្វើឡើងកាលពីថ្ងៃទី១៣ មិថុនា ដោយសមត្ថកិច្ចចម្រុះបានបង្កើតប៉ុស្តិ៍ត្រួតពិនិត្យមួយនៅ Wang Din នៅលើផ្លូវ Phahonyothin ឃុំ Pa Phai ស្រុក Li ខេត្ត Lamphun ។ ក្នុងប្រតិបត្តិការនោះសមត្ថកិច្ចបានឃាត់រថយន្តតូយ៉ូតាសង្ស័យមួយគ្រឿង និងរថយន្តម៉ាក Isuzu ពណ៌ស មានស៊ុមដែកនៅខាងក្រោយ។ 
រថយន្តទី១ បើកបរដោយឈ្មោះ ចាន់ណារ៉ុង អាយុ៣៧ឆ្នាំ មកពីខេត្តឈៀងម៉ៃ និងទី២ បើកបរដោយឈ្មោះ សារ៉ាវុធ អាយុ៤៩ឆ្នាំ មកពីខេត្តឈៀងរ៉ៃ។ ពេលត្រួតពិនិត្យរថយន្ត Isuzu មន្ត្រីបានរកឃើញថា មានផ្ទុកឈើគ្រញូងសម្រាប់ចិញ្ចឹមឃ្មុំ ។ នៅក្នុងធុងទាំងនេះ គេបានរកឃើញថ្នាំញៀនមេតំហ្វេតាមីនលាក់ទុក៕
